Որքան էլ նորաձևությունը թելադրի իր կանոնները, այն յուրաքանչյուր մարդու համար ինդիվիդուալ է և պահանջում է անհատական մոտեցում: Եթե չես կողմնորոշվում, թե որ ոճն է քոնը և օգնության կարիք ունես, ապա ուշադիր կարդա այս գրառումը: Հատուկ քեզ համար FashionYan-ը ներկայացնում է Fashion հորոսկոպ, որի միջոցով կարող ես պարզել՝ համապատասխանու՞մ է ընտրածդ ոճը քեզ, թե՞ ոչ, ինչպես նաև իմանալ, թե որ գույներն են քեզ առավել սազական:
ԽՈՅ: Հորոսկոպի բոլոր նշաններից խոյերն ամենալավն են ընկալում նորաձևության նորարարությունները: Շնորհիվ իրենց ինդիվիդուալ ոճի տարբերվում են` հաճախ փողոցն ընդունելով որպես պոդիում: Այս համաստեղության տակ ծնվածներն առաջին հերթին հագուստ ընտրում են գույնով: Դա կարող է լինել կարմիրի բոլոր երանգները` բաց վարդագույնից, մուգ շականագագույնից մինչև ալ կարմիր ու բորդո: Խոյերը չեն սիրում մռայլ գույներ: Նրանք երբեք բաց չեն թողնում առիթը` ցուցադրելու համար իրենց գեղեցիկ կազմվածքը:
ՑՈՒԼ: Ցուլերը զգեստների հարցում սկզբունքային են: Քիչ լինի, բայց որակով: Նրանք հրաշալի կերպով զգում են ֆակտուրան, կտորը: Ցուլերը առաջնորդվում են ոչ թե նորաձևության վերջին տենդենցներով, այլ 
նրանով, ինչը երբեք դուրս չի գալիս նորաձևությունից: Ցուլ տղամարդիկ հիանալի ճաշակ ունեն: Նրանք երբեք սպորտային կոշիկ չեն հագնի դասական տաբատի հետ, կամ թանկարժեք կոստյումի տակից անհասկանալի կտորից վերնաշապիկ չեն կրի:Ցուլերը հագուստ ընտրելիս կենտրոնանում են մեծ նախշերով զգեստների վրա: Նրանց հետաքրքիր չեն փոքր դետալները, ժանյակները և այլն: Ցուլ կանայք նախընտրում են Վեներայի գույները` վարդագույնը, երկնագույնը, ինչպես նաև բոլոր հյութեղ գույները, իսկ տղամարդիկ` մուգ կանաչ, մուգ շագանակագույն:
ԵՐԿՎՈՐՅԱԿՆԵՐ: Երկվորյակներն ունեն ամենամեծ զգեստապահարանը: Տրամադրության փոփոխության հետ մեկտեղ նրանց անհրաժեշտ է համապատասխան հագուստ: Նոր հագուստը նրանց թույլ է տալիս կերպարանափոխվել, ժամանակավորապես այլ կերպարի մեջ մտնել: Երկվորյակները գնում են պատահական հագուստ և հեշտ են այն դեն նետում: Երկվորյակների ոճը չեզոք է: Դա հիմնականում սպորտային հագուստի հավաքածու է` ջինսեր, շապիկներ, ժիլետներ: Նրանց համար գունային գամման կամ կտորի որակը կարևոր չէ, այլ թեթևությունը, առաձգականությունը:
ԽԵՑԳԵՏԻՆ: Կին խեցգետինները սիրում են փաթաթվել մեծ շարֆերի ու շալերի մեջ: Տղամարդկանց հագուստում
հաճախ օգտագործվում են նուրբ, ռոմանտիկ գույներ , շապիկներ` ծաղկային նախշով: Նրանք չեն սիրում սպորտային ոճը: Խեցգետինների համար կարևոր է հագուստի մաքրությունը և հարմարավետությունը, այդ իսկ պատճառով նրանք նախընտրում են բնական նյութերից պատրաստված հագուստ: Կին խեղգետիններին ամենից շատ սազում են կանաչի բոլոր երանգները, սևը, շագանակագույնը:
ԱՌՅՈՒԾ: Առյուծները հիանալի կերպով տիրապետում են հագուստ ընտրելու արվեստին, դրա համար էլ հասարակ շապիկը կարող է Առյուծի հագին ավելի գեղեցիկ երևալ, քան haute couture զգեստը մեկ ուրիշի հագին: Առյուծները միկան են, ովքեր հագուստ են ընտրում և’ գույնով, և’ որակով, և’ ֆակտուրայով: Նրանք սիրում են վառ, բայց ոչ ճչան գույներ: Կին Առյուծներն ընտրում են դեղին, նարնջագույն, ոսկեգույն, սպիտակ գույներն ու դրանց համադրությունները, տղամարդիկ նախընտրում են հյութեղ համադրություններ` մուգ կապույտ, բալագույն, սևի ու սպիտակի համադրություն և այլն: Առյուծները հետևում են նորաձևությանը, սակայն կրում են այն, ինչ իրենց է սազում:
ԿՈՒՅՍ: Բոլոր նորաձև առաջարկներից Կույսերն ընտրում են ամենապրակտիկը` ամեն առիթի համար: Ունենալով
փոքր զգեստապահարան, նրանք կարողանում են միշտ նորովի ներկայանալ: Կույսերի համար կարևոր է, թե ինչպես է կարված հագուտը: Նրանք իրենց հագուստում հաճախ օգտագործում են շատ դետալներ: Կույսերին շատ են սազում ծիածանի բոլոր գույները:
ԿՇԵՌՔ: Կշեռքները շատ ճաշակով են հագնվում: Նրանք ծայրահեղությունների հետևից չեն ընկնում, և նրանց հագուստը միշտ հարմոնիկ տպավորություն է թողնում: Կշեռքները հետևում են ոսկե միջինի կանոնին, նրանք ունեն չափի զգացողություն: Իրենց ոճը կշեռքները ձևավորում են երիտասարդ տարիքում և հավատարիմ մնում դրան հետագայում : Կշեռք կանայք սիրում են տաբատներ կրել, ինչպես նաև տղամարդու աքսեսուարներ` փողկապ, գլխարկ: Այս համաստեղության տակ ծնվածները կարողանում են գրավիչ լինել հագուստի վրա մինիմալ ծախս անելով: Կշեռքներն ընտրում են պաստելային գույներ, թանկարժեք քարերի գույներ, վարդագույնի ու երկնագույնի երանգներ:
ԿԱՐԻՃ: Նորաձևությունը կարիճների համար իրենց սեքսուալությունն ընդգծելու լավագույն միջոցն է: Կին կարիճները
սիրում են կիպ, կազմվածքն ընդգծող հագուստ, բոլոր տեսակի բացվածքները, կտրվածքները: Տղամարդ կարիճները երբեմն կարող են ագրեսիվ ոճ ունենալ` կրել կաշվե տաբատներ, նեղ բլուզներ և այլն: Հասուն տարիքում կարիճները ընտրում են այնպիսի հագուստ, որպեսզի թաքցնեն թերություններն ու ընդգծեն առավելությունները: Կարիճները հաճախ ձգտում են դասական ոճի: Նրանք նաև սիրում են հին հագուստը վերածել նորի ու ներկայացնել դրանք նորովի:
ԱՂԵՂՆԱՎՈՐՆԵՐ: Լինել նորաձև՝ Աղեղնավորների համար նշանակում է ինտեգրվել հասարակությանը: Աղեղնավորների այն տեսակը, որը ձգտում է սիրված լինել հասարակության մեջ, գնում է թանկարժեք և բրենդային հագուստ, անկախ նրանից` սազում է այն իրեն, թե ոչ: Մյուս մասը, հակառակը, ընդհանրապես չի հետևում նորաձևությանը: Նրանք չեն ձգտում իրենց արժանիքները ցուցադրել հագուստի միջոցով: Այդպիսի Աղեղնավորները երկար ժամանակ միևնույն հագուստն են կրում և դժվար են հրաժարվում սիրելի զգեստներից: Աղեղնավորներին տիպիկ է ակումբային հագնվելաոճը: Այս համաստեղության տակ ծնված անձնաց սազական են մուգ, հագեցած գույները` մորեգույն, բորդո, մանուշակագույն:
ԱՅԾԵՂՋՈՒՐ: Այծեղջուրները սովորաբար ընտրում են այնպիսի հագուստ, որն արդեն հայտնի է ու փորձված: Փայլն
ու շքեղությունը նրանց համար վուլգար է, այդ պատճառով նրանց հագուստի մեջ ոչ մի ավելորդ բան չկա: Կին Այծեղջուրները սիրում են ձեռագործ ժանյակներ, գործվածքներ: Այծեղջուրները հաճախ են հագնվում մուգ գույների մեջ` մուգ մոխրագույն, սև, կապույտ:
ՋՐՀՈՍ: Ջրհոսներին գրավում է վառ ու անսովոր ամեն բան, այդ թոում և նորաձևության մեջ: Հագուստ ընտրելիս թե’ կին, թե’ տղամարդ Ջրհոսները առաջնորդվում են ներքին զգացողությամբ: Նրանց համար հագուստը անհատականությունն ընդգծելու ևս մեկ միջոց է: Կարելի է Ջրհոսներին երկու խմբի առանձնացնել: Նրանք, ովքեր զբաղված են ստեղծագործական աշխատանքով, նախընտրում են հետևել ավանգարդ նորաձևությանը: Նրանք հակված են էպատաժային և արտահայտիչ հագուստի: Ընտրում են ծայրահեղ վառ, ճչան գույներ : Մյուս տեսակի Ջրհոսները հակված չեն հետևել նորաձևությանը Նրանք չեն ցանկանում տարբերվել հագուկապով: Ջրհոսի անհատական ոճը կարելի է բնութագրել այսպես` գունային հանգիստ գամմա` արծաթա-մոխրագույն, երկնագույն: Պետք է նշել, որ Ջրհոսները հավատարիմ են մնում իրենց ոճին:
ՁԿՆԵՐ: Հագուստի մեջ Ձկների համար կարևոր է ոչ թե արտաքին, այլ թաքնված հմայքը: Նրանց ոճը հաճախ ընկալելի
չէ: Շաք քիչ Ձկներ կան, ովքեր ներդաշնակ են իրենք իրենց հետ և կարողանում են հեշտությամբ ընդունել նորաձևության տենդենցները: Առօրյայում նրանք կրում են հասարակ հագուստ` միայն թե տաք ու հարմարավետ լինի:Կին Ձկներին գրավում է փայլփլուն, լույսի տակ երանգը փոխող կտորները, փափուկ մետաքսը, տրիկոտաժը և այլն: Նրանք սիրում են հագուստի երկարությունը: Ձկները հազվադեպ են ընդունում սահմանափակումներ և ամենից շատ չեն սիրում համազգեստներ: Գույների առումով նրանք նախընտրում են կապույտի, երկնագույնի, մանուշակագույնի, վարդագույնի ու կանաչի երանգները:
