Ադրբեջանի հետ երկար ժամանակ նույն տարածաշրջանում ապրել ենք, առնվազն 100 տարի շատ սերտ շփում ենք ունեցել: Ադրբեջանը սիրում է ամեն տեղ ասել, որ ինքը մուլտիկուլտուրալ երկիր է, բայց համառորեն ջնջում է ամեն հայկականը, սկսած բռնի տեղահանումից, էթնիկ զտումից, վերջացրած հայկական եկեղեցիների հիշատակումից:

Այս մասին այսօր ԱԺ-ում լրագրողների հետ զրույցում ասել է ԱԺ նախագահ Ալեն Սիմոնյանը:

Նա նշեց, որ Հայաստանի Հանրապետությունը պատրաստ է միջազգային նորմերի հիման վրա կնքել խաղաղության պայմանագիր:

«Գնդակը հիմա գտնվում է Ադրբեջանի դաշտում, և եթե Ադրբեջանը նախագահի մակարդակով հայտարարում է, որ իրենք պատրաստ են, Խաղաղության պայմանագիրը պատրաստ է:

Ցանկության պարագայում, կարելի է գալիք 15 օրվա ընթացքում խաղաղության պայմանագիրը կկնքվի, եթե Ադրբեջանի իշխանությունը իոք քաղաքական կամք դրսևորի»,- ասել է նա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել