Արցախյան 44-օրյա պատերազմում զոհված Ժորա Մարտիրոսյանի մայրիկի՝ Գայանե Հակոբյանի փաստաբանները դադարեցնում են նրա շահերի պաշտպանությունը։ Այս մասին դատարանի բակում լրագրողների հետ ճեպազրույցում տեղեկացրեց փաստաբան Հովսեփ Սարգսյանը:

Նա հայատարարեց, որ իրենց և վստահորդի միջև դիրքորոշումների փոփոխություն կա, որի կապակցությամբ իրենք այլևս չեն իրականացնելու Գայանեի պաշտպանությունը:

Փաստաբանի փոխանցմամբ՝ Գայանե Հակոբյանն է կայացրել այս որոշումը։

Դատարանը որոշել է հանրային պաշտպաններ ներգրավել։

Արդեն երկրորդ դեպքն է, որ պաշտպանները հրաժարվում են իրականացնել Գայանե Հակոբյանի պաշտպանությունը։

Հովսեփ Սարգսյանն այս հարցի առնչությամբ որևէ մեկնաբանություն չտվեց՝ նշելով, որ Գայանեն պետք է պատասխանի, թե ինչու է նման որոշում կայացրել, բայց մեկ կարճ արձագանք արեց. «Մեր և Գայանեի դիրքորոշումների միջև հակասություն կա»:

Փաստաբանները ո՛չ հերքում, ո՛չ հաստատում են, թե Գայանե Հակոբյանն ընդունել է մեղադրանքը:

Նշենք, որ այսօր Աշոտ Փաշինյանի «առևանգման գործով» նիստը դռնփակ է ընթացել:

Հիշեցնենք, որ Արցախյան 44-օրյա պատերազմում զոհված Ժորա Մարտիրոսյանի մայրը՝ Գայանե Հակոբյանը նորից կալանավորվել է 1 ամիս 15 օր ժամկետով։

Գայանե Հակոբյանը Աշոտ Փաշինյանի «առևանգման գործով» մեկ ամսով կալանավորվել էր մայիսի 20-ին։

Ավելի վաղ հաղորդվել էր, որ Վերաքննիչ քրեական դատարանը բեկանել էր Գայանե Հակոբյանի կալանքի դեմ նրա պաշտպանների բողոքն ու որոշել փոխել նրա խափանման միջոցը տնային կալանքով։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել