Հնդկաստանում գնացքների բախման հետեւանքով զոհվել է 238 մարդ, ավելի քան 600 հոգի վիրավորվել է, տեղեկացրել է «Հնդկական երկաթուղիներ» պետական ընկերության գործադիր տնօրեն Ամիտաբհ Շարման, հաղորդել է «ՌԻԱ Նովոստի»-ն։

«238 մարդ զոհվել է, ավելի քան 600-ը՝ վիրավորվել»,- ասել է Շարման Ani գործակալությանը։

Ավելի վաղ, հղում կատարելով օպերատիվ ծառայություններին՝ ԶԼՄ-ները տեղեկացրել էին 288 զոհերի եւ ավելի քան 900 վիրավորների մասին։

Գնացքների բախումը տեղի է ունեցել ուրբաթ, Հնդկաստանի Բալասոր քաղաքից ոչ հեռու։ Իշխանությունների ճշտած տվյալների համաձայն՝ Կալկաթայից Չենաի ուղեւորվող ուղեւորատար գնացքի մի քանի վագոններ դուրս են եկել գծերից բեռնատար գնացքին բախվելու հետեւանքով եւ հայտնվել հանդիպակաց գծի վրա։ Որոշ ժամանակ անց գնացքին բախվել է եւս մեկ ուղեւորատար գնացք, ինչի հետեւանքով գծերից դուրս է եկել մարդկանցով լի եւս 3-4 վագոն։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել