Հայկական առաջին կոմիքսի հիման վրա նկարահանված «Վիշապ» ֆիլմը մայիսի 19-ից էկրաններ է բարձրացել:
Հայ դեռահասները և երեխաներն այլևս հայ սուպերհերոս ունեն:
«Վիշապ» ֆիլմում լսարանը կտեսնի ինչպես հայտնի, այնպես էլ՝ նոր դերասանների:
«Առաջին փորձս էր ֆիլմում նկարահանվելու, ու այդ առումով բարդ էր: Առաջարկը ստացել եմ հենց ռեժիսորից: Նախկինում տվյալ կոմիքսին ծանոթ չէի, բայց ծանոթանալուց հետո լավ տպավորություն ստացա, եւ հիմա, երբ նայում եմ այն ու համեմատւմ ֆիլմի հետ, կարծում եմ՝ ստացվել է»,-այս մասին լրագրողների հետ զրույցում ասաց Վիշապին մարմնավորող Տիգրան Վարդանյանը:
Սկսնակ դերասանների հետ աշխատելու որոշման մասին էլ ֆիլմի բեմադրիչ ռեժիսոր Գրիգոր Գասպարյանն ասաց հետևյալը.
«Սցենարով մեր դերասանները 18-20 տարեկան են, իսկ այդ տարիքային խմբում չունենք փորձառու դերասանները: Դժվար էր, սակայն նաև շատ հետաքրքիր էր նրանց հետ աշխատելը: Կարծում եմ, որ շատ լավ ճանապարհ է բացվում նրանց համար, իսկ լսարանն էլ նոր դեմքեր կտեսնի, թեպետ ֆիլմում կան նաև շատ հայտնի և փորձառու դերասաններ»:
Ֆիլմի պրոդյուսեր Արման Միտոյանի խոսքով՝ ժանրային առուվոմ իսկապես բարդ էր:
«Այնպես չէ, որ հեծանիվ ենք հորինել։ Ամբողջ աշխարհում կա սուպերհերսների մասին ֆիլմ նկարահանելու ձևաչափը, և մտածեցինք, իսկ ինչու չունենանք նաև մենք։ Նախագիծը դժվար և բարդ ճանապարհ անցավ 2020 թվականին, բայց ինչպես ասում են, մենք էլ սուպերհերոսաբար դրանք հաղթահարեցինք»,- ասաց Միտոյանը։
Հավելենք, որ Ռուբեն Ջաղինյանը նույնպես ֆիլմի պրոդյուսերներից է:
Նշենք, որ «Վիշապ» ֆիլմի հիմքում վիշապաքարերի մասին հայկական լեգենդն է. հենց դրանցից է գլխավոր հերոսը ստանում իր ուժն ու սկսում պայքարել քաղաքում
Ներկայացնում ենք «Վիշապ» ֆիլմի պրեմիերայի հյուրերին և հետաքրքիր դրվագները:
