Armenpress.am-ը գրում է․
Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի միաբանների ուղեկցությամբ ապրիլի 24-ին այցելեց Ծիծեռնակաբերդի հուշահամալիր՝ ոգեկոչելու Հայոց Ցեղասպանության սուրբ նահատակների հիշատակը:
Ծաղկեպսակի զետեղումից հետո հուշահամալիրում՝ անմար կրակի առջև, Վեհափառ Հայրապետի նախագահությամբ կատարվեց Հայոց ցեղասպանության սուրբ նահատակների բարեխոսական կարգ:
«Եկանք Եղեռնի հուշահամալիր, Ծիծեռնակաբերդի բարձունք և մեր աղոթքը առ Աստված բարձրացրեցինք՝ հայցելով մեր սուրբ նահատակների բարեխոսությունը, մեր հայրենիքի ապահովության, մեր ժողովրդի անվտանգության և բարօր կյանքի համար»,- «Արմենպրես»-ի փոխանցմամբ՝ Ծիծեռնակաբերդի բարձունքում լրագրողների հետ ճեպազրույցում ասաց Վեհափառը:
Նյութի աղբյուր՝ https://armenpress.am/arm/news/1081428.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել