Հայաստանի երրորդ հանրապետությունը քաղաքական, անվտանգային , միջազգային սուբյեկտայնության և նույնիսկ սահմանադրականության տեսանկունից վախճանվել է

ԵՐՐՈՐԴ ՀԱՆՐԱՊԵՏՈՒԹՅԱՆ ներկայիս ղեկավարի միակ գործառույթը այդ վախճանը ամրագրելն է և վերջ: Նա դա անում է առայժմ այդ ամենին հանրային պրոտեստանտ տրամադրութունների և հակազդող ռեսուրսի չեզոքացման մեթոդաբանությամբ և հետագա ավելի ցավոտ քայլերի արձագանքի մոնիտորինգով: Այսօր նա դա արեց առայժմ հայկական տեղանունների ադրբեջանական անվանումների արտաբերմամբ: Սա նույնիսկ հայկական շահի և ինքնիշխանության պահպանման ֆորմալության տոտալ առհամարման ցայտուն դետալ է:

Նույնսկ, եթե այս իշխանությունը քաղաքականապես գոյատևի մինչև ժամկետի ավարտը՝ միևնույն է մնալու է, որպես ԵՐՐՈՐԴ ՀԱՆՐԱՊԵՏՈՒԹՅԱՆ վախճանը մոտեցնող և ամրագրող իշխանություն:

Բոլոր նրանք ովքեր ունակ են քաղաքական միտք և բովանդակություն արտադրել պետք է հասկանան, որ վախճանի սկիզբը անշրջելիորեն դրվել է 2018 թվականի թավշյա իշխանազավթմամբ և հընթացս գնացող բոլոր երևույթների սցենարային իրագործման մեկնարկի հիմքերը կրկին 2018-ում են:

Երևույթները առավել խորը պատկերացնողներն ու գնահատողները պետք է գործեն ՀԱՅԱՍՏԱՆԻ ՉՈՐՐՈՐԴ ՀԱՆՐԱՊԵՏՈՒԹՅԱՆ ստեղծման իդեալների, ձգտումների և քաղաքական գործողությունների մշակման և իրագործման տիրույթում:

P.S. ԽԱՐԱՆԸ, այն էլ պարտվածի խարանը, իշխանական մանդատով չի մաքրվում.