Armeniasputnik.am-ը գրում է.
Աֆղանստանի սահմանի մոտ Թուրքմենստանի զինված ուժերի երկու սպա և 16 զինվորներ են մահացել։ Տեղեկությունը հայտնում է Turkmen news-ը։
Իշխանությունը հայտարարել է, որ բոլորը մահացել են մայրաքաղաք Աշխաբադի մոտ տեղի ունեցած ավտովթարի հետևանքով Բայց զոհվածների հարազատները պնդում են, որ զինվորականներին բերել են Մարիի վիլայեթից, որը սահմանակից է Աֆղանստանին։
Հուղարկավորությանը ներկա զինվորականները խստիվ արգելել են բացել դագաղները: Ենթադրություններ կան, որ այս դեպքը, որը որպես վթար է ներկայացվում, իրականում կապ ունի Թուրքմենստանի հետ սահմանին «Թալիբանի» ակտիվության հետ։ Ոչ պաշտոնական տվյալներով՝ Աշխաբադը զորքեր է տեղակայել Աֆղանստանի հետ սահմանին, իսկ զինվորականների ընտանիքները հեռանում են այդ երկրին սահմանակից շրջաններից։
Հիշեցնենք, որ Աֆղանստանի կառավարական ուժերը դիմակայում են «Թալիբան» շարժման գրոհայիններին, որոնք գրավել են երկրի տարածքների մի մասը:
