168.am-ը գրում է․

«Առողջ հեգնանքը սոցիալական ցանցի լավագույն զենքն է, և ավելի լավ է չարձագանքենք վիրավորանքներին»,-РИА Новости-ին տված հարցազրույցում ասել է ՌԴ ԱԳՆ խոսնակ Մարիա Զախարովան:

«Ինչ վերաբերում է իմ պատասխաններին, ես միշտ ելնում եմ նրանից, որ դրանք պետք է հարգալից լինեն, բայց ոչ ձանձրալի: Եվ ինձ թվում է, որ առողջ հեգնանքը լավագույն զենքն է և՛ պաշտպանության, և՛ հարձակման համար», – ասել է Զախարովան:

Նա նշել է, որ հիմնական բանը, որն առաջնորդում է ինտերնետում հաղորդակցվելիս, կարծիքի ազատությունն է.

«Ես հասկանում եմ, որ երբեմն կարող են վիճահարույց գնահատականներ լինել: Եվ երբեմն մարդկանց մեկնաբանությունները նույնիսկ անարդար են միմյանց նկատմամբ: Ես հասկանում եմ, թե քանի բոտ և, այսպես ասած, կեղծ հաշիվներ են փորձում մասնակցել այս քննարկմանը, բայց ես դեռ կարծիքի արտահայտման ազատության կողմնակից եմ. դա հիմնական սկզբունք է», – ասել է նա

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել