PanARMENIAN.Net-ը գրում է.
ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանը հրավիրվել է ԱԱԾ։ Այդ մասին նա ասել է լրագրողներին երթի ժամանակ, որով վարչապետ Նիկոլ Փաշինյանի հրաժարականը պահանջող ցուցարարները շարժվում են դեպի Ազգային ժողով։
Ցուցարարներն ու քաղուժերի ներկայացուցիչները շարժվում են դեպի ԱԺ և հրատապ նիստ են պահանջում։
Նա հավելել է, որ երթի ու հավաքի ավարտից հետո ներկայանալու է ԱԱԾ և տալու է համապատասխան պարզաբանում։
Ավելի վաղ ԱԱԾ էր հրավիրվել նաև ՀՀ երրորդ նախագահ Սերժ Սարգսյանը, սակայն, ավելի ուշ նրա հրավերն անորոշ ժամանակով հետաձգվել է։
Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարել էր, որ ՌԴ ու Ադրբեջանի նախագահների հետ պատերազմի դադարեցման փաստաթուղթ է ստորագրել։ Ըստ դրա՝ Ադրբեջանը և Հայաստանը կանգ են առնում իրենց զբաղեցրած դիրքերում: Իսկ ՌԴ խաղաղապահները տեղակայվում են ԼՂ շփման գծի երկայնքում և Հայաստանի հետ կապող միջանցքում:
