Azatutyun.am-ը գրում է․

ԱՄՆ գործող նախագահ Դոնալդ Թրամփի խորհրդական Ջարեդ Քուշները հորդորում է նրան ճանաչել պարտությունը: Քուշները Թրամփի փեսան է, նա ամուսնացած է գործող նախագահի դստեր՝ Իվանկայի հետ:

Քուշները Սպիտակ տան խորհրդականն է և համարվում է Թրամփի ամենամերձավոր դաշնակիցներից մեկը:

Այդ մասին հայտնել է CNN հեռուստակայանը: Թրամփի արձագանքի մասին տեղեկություն դեռ չկա:

Նոյեմբերի 3-ին ԱՄՆ-ում տեղի ունեցած նախագահական ընտրություններում Թրամփը պարտվել է դեմոկրատական մրցակից Ջո Բայդենին, որին արդեն շնորհավորել են տասնյակ պետությունների և միջազգային հաստատությունների ղեկավարներ:

Թրամփը և նրա հավատարիմ աջակիցները պնդում են, որ դեմոկրատականները կեղծիքներով են մեծամասնություն ապահովել մի շարք առանցքային նահանգներում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել