![](/static/news/b/2020/08/702794.jpg)
Lurer.com-ը գրում է․
Կարելի է երկար խոսել սեռական կյանքի օգտակարության մասին, մեջբերումներ գտնել տարբեր ուսումնասիրություններից, բայց չպետք է սեքսին վերաբերվել որպես հարաբերություններում կարևորագույն էլեմենտի: Կան բազմաթիվ այլ օգտակար գործողություններ, որոնք դրականորեն են ազդում զուգընկերների միջև միջանձնային հարաբերությունների ձևավորման վրա։
Կարևորը կյանքում ներդաշնակություն ունենալն է՝ ներառյալ ներդաշնակությունը սեռական հարաբերություններում: Հենց այդ ժամանակ է, որ սեքսը ավելի շատ օգտակար կլինի, քան վնասակար: Սեռական հարաբերությունների վնասներից կարող են լինել առողջական ռիսկերը, ինչպես, օրինակ, անցանկալի հղիությունն է կամ վարակների փոխանցումը։ Այս ռիսկը նվազեցնելու համար պատասխանատվություն վերցրեք զուգընկերոջ ընտրության, հարցում և օգտագործեք հակաբեղմնավորիչ մեթոդներ։
Միայն նրանք պաշտպանում են մարմինը սեռական ճանապարհով փոխանցվող վարակներից: Վնասների շարքում կարելի է նշել նաև ոչ ավանդական սեռական հարաբերություններից առաջացած բարդությունները։ Սկզբում այդ փորձերը կարող են հետաքրքիր թվալ, բայց հետագայում դա կարող է բացասաբար անդրադառնալ կնոջ օրգանիզմի վրա։ Հաջորդը ոչ մշտական զուգընկեր ունենալուց առաջացած բարդությունն է։ Իգական օրգազմի ընթացքում հորմոնալ կոկտեյլը, որը ներառում է օքսիտոցին, թելադրում է զուգընկերոջ կախվածության առաջացումը: Եվ նույնիսկ եթե կինը ռացիոնալ կերպով չի ձգտում երկարաժամկետ հարաբերություններ ստեղծել միևնույն տղամարդու հետ, ապա նա «կարոտում է» այդ տղամարդուն, և հորմոնով պայմանավորված՝ ուժեղացվող կախվածություն է առաջանում, ինչն էլ առաջ է բերում մի շարք ֆիզիոլոգիական բարդություններ: