Ճապոնիայի մայրաքաղաք Տոկիոյի բնակչուհի Համակո Մորին ճանաչվել է մոլորակի ամենատարեց գեյմերը: Կինն 90 տարեկան է, և նա 39 տարի է, ինչ վիդեո խաղեր է խաղում, հայտնում է Գինեսի ռեկորդների գրքի պաշտոնական կայքը:

Մորիի համար տեսախաղերի հետ ծանոթությունը սկսվեց 1981 թվականին՝ Cassette Vision խաղային համակարգով:  Ըստ գեյմերի՝ նա սկսել է խաղալ երեխաների շնորհիվ:

«Երբ ես սկսեցի, պարզապես սարսափելի էի խաղում: Իհարկե, խաղալը զվարճալի է, բայց ոչ ոք չի սիրում պարտվել: Իսկ ես հաճախ էի պարտվում»,- ասել է Մորին:

Այժմ ճապոնուհին օրական 7-8 ժամ է ծախսում խաղերի վրա:

Մորին նշել է, որ իրոք վայելում է կյանքը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել