Ողջ աշխարհում կանայք կանգնած են խնդրի առաջ՝ ինչպես ազատվել կամ գոնե կանխել կնճիռների և աչքերի տակի պարկերի առաջացումը։ Այս խնդրից ազատվելու համար օգտագործում են բազմաթիվ լոսյոններ, կրեմներ, որոնք պետք է վերականգնեն մաշկի առաձգակնությունը։ Չենք կարող ասել, որ այդ կրեմները արդյունավետ չեն, սակայն այսօր կներկայացնենք մի քանի միջոցներ, որոնք կօգնեն ազատվել կնճիռներից ու աչքերի տակի պարկերից։

Թեյ

Կոֆեինով թեյը պարունակում է բնական տանին, որն օգտագործվել է նախկինում և այսօր աչքերի տակի պարկերն անցկացնելու համար։ Անհրաժեշտ է թեյի 2 պարկը դնել տաք ջրի մեջ, ապա ջրից հանել և դնել սառցախցիկում մի քանի րոպե, իսկ այնուհետ դնել աչքերի վրա։

Մետաղական գդալ

Վերցնել 2 մետաղական գդալ և մի քանի րոպե պահել սառը ջրի տակ։ Գդալը դնել աչքերի տակ 30-ից 60 վայրկյան։ Սառը գդալը կվերականգնի հոգնած աչքերը և միևնույն ժամանակ էներգիա կհաղորդի։

Թարմ վարունգ

Երբ աչքերը կարմրած ու ուռած են, պարզապես կտրեք վարունգի 2 կտոր, պառկեք և այն դրեք աչքերին՝ պահելով 30 րոպե, որի ընթացքում կհանգստանանք, կթարմանաք և կանցնեն աչքերի ուռածությունն ու հոգնածությունը։

Թութքի համար նախատեսված կրեմ

Մոդելները և դերասանները գիտեն այս գաղտնիքը։ Մասնավորապես, թութքի համար նախատեսված կրեմն արագ նվազեցնում է աչքերի տակի ուռածությունը և նվազեցնում է կնճիռները։ Եթե կրեմի հոտը չափազանց ուժեղ է, ապա կարելի է խառնել խոնավեցնող կրեմի հետ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել