Հանրապետության նախագահ Արմեն Սարգսյանն այսօր Սարդարապատի հերոսամարտի հուշահամալիրում Ն.Ս.Օ.Տ.Տ. Գարեգին Բ Ամենայն Հայոց կաթողիկոսի, Հանրապետության վարչապետ Նիկոլ Փաշինյանի, ՀՀ Ազգային ժողովի նախագահ Արարատ Միրզոյանի և մյուս բարձրաստիճան պաշտոնյաների հետ մասնակցել է Հանրապետության տոնին նվիրված տոնական միջոցառմանը:
Հանրապետության նախագահի անունից ծաղկեպսակ է դրվել Սարդարապատի ճակատամարտի հերոսների հիշատակը հավերժացնող հուշակոթողին: Այնուհետև նախագահ Սարգսյանը մասնակցել է Արամ Մանուկյանի 140-ամյակին նվիրված հուշակոթողի բացմանը և ծաղիկներ է խոնարհել։
Արմեն Սարգսյանն այցելել է նաև թանգարան ու դիտել տոնական օրվա կապակցությամբ բացված հատուկ ցուցադրությունը: 
Նյութի աղբյուր՝ https://www.president.am/hy/press-release/item/2019/05/28/President-Armen-Sarkissian-attended-event-of-proclamation-of-the-Republic-of-Armenia/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
