«Նոր պատժամիջոցների փաթեթը, որը ստորագրեց ԱՄՆ նախագահ Թրամփն օգոստոսի 2-ին, ուրվագ­ծում է մի նոր փուլ միջազգային հարաբե­րություններում՝ կանխորոշելով փոփոխու­թյունները նաև Հարավային Կովկասի և Սևծովյան ավազանի անվտանգության ճարտարապետության մեջ առաջիկա տարիներին: Դա էապես և սկզբունքորեն փոխում է Հայաստանի վրա ազդող ուժերի հարաբերակցությունը և պաշտոնական Երևանից պահանջում նոր քաղաքական կուրս, նոր ռազմավարություն, որը համար­ժեք կլինի այդ փոփոխություններին:
 
Պատժամիջոցները վերաբերում են երեք երկրների՝ Ռուսաստանին, Իրանին և Հյուսիսային Կորեային: Եթե Հյս. Կորեայի հարցում նույնիսկ Չինաստանը չի առարկում, ինչի մասին վկայում է շաբաթ օրվա միաձայն քվեարկությունը ՄԱԿ-ի ԱԽ-ում, որով կոշտացվում են պատժամիջոցներն ընդդեմ այդ ստալինիստական արգելոցի, ապա Իրանի և Ռուսաստանի դեմ պատժամիջոցների «խմորը» դեռ շատ ջուր է խլելու:
 
Սերժ Սարգսյանի օգոստոսյան աշխա­տանքային այցը Թեհրան և մասնակցու­թյունը Հասան Ռոհանիի երդմնակալության արարողությանը, որին նախորդեցին նրա ուշագրավ հարցազրույցները իրանա­կան ԶԼՄ-ներին, վկայում է, որ պաշտոնական Երևանն օբյեկտիվորեն այլևս չի կա­րող ներկայիս տարածաշրջանային ստա­տուս քվոն ձեռնտու և բավարար համա­րել, կամ համարել, թե ոչինչ տեղի չի ու­նենում:
 
ԵՄ արտաքին քաղաքականության գլ­խավոր հանձնակատար Ֆեդերիկա Մոգերինին նույնպես մասնակցեց Ռոհանիի երդմնակալության արարողությանը, և Թեհրանի նկատմամբ ԱՄՆ պատժամիջոցների քաղաքականությանը Եվրոպայում այլ կերպ են վերաբերվում: Իրանի ղեկա­վարությունը հրավիրեց Մոգերինիի ուշադ­րությունն այն փաստի վրա, որ միջուկա­յին համաձայնագիրը կարող է վտանգվել, և ԵՄ-ն այս հարցում, որպես համաձայնագրի մասնակից՝ պետք է «ուշադիր լի­նի»»,-գրում է թերթը:
 
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել