Հայաստանի քաղաքական դաշտը վաղուց արդեն վեր է ածվել ունիվերսալ ծաղրածուների շքերթի: Բարեկիրթ և փոքրիշատե մտահոգ քաղաքական գործիչների դեֆիցիտը գնալով ահագնանում է, և այս իրավիճակում, երբ անձնական շահերի գզվռտոցը իր բարձրունքի վրա է, երբ երկրի իրական զարգացումը անհուսալի պարտավորության է վերածվել, դժվար է անտեսել ու անտարբեր մնալ այդ ամենից: Սակայն ունենք այն, ինչ ունենք: Անտարբերությունը պարուրում է իրականությունը՝ այն դարձնելով առավել գորշ: Իհարկե, կարելի է ջայլամին հարիր վարքագիծ դրսևորել, ինչպիսին կարելի է հանդիպել ցանկացած քայլափոխի, բայց... Բայցը մնում է, բայցը փոթորկում է ու խլում է այնչափ թանկագին առողջությունը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել