Shamshyan.com-ը գրում է.

Երեւանի Նորագավիթ 1-ին փողոցում ժամը 18-ի սահմաններում բախվել են BMW-ն ու մոպեդը, ինչի հետեւանքով վերջինը շրջվել է։ Դրա վրա եղել է 3 քաղաքացի, որոնցից 2-ը տեղում մահացել են։ Տեղեկությունը հայտնում է shamshyan.com–ը։

Նշենք, որ մահացածները մոպեդից ընկնելու հետեւանքով հայտնվել են այդ պահին նշված վայրով անցնող թիվ 456 երթուղին սպասարկող (Մասիս–Երեւան) ավտոբուսի տակ։ Երրորդ անձը ծայրահեղ ծանր ախտորոշմամբ տեղափոխվել է հիվանդանոց։

Դեպքի փաստով նախաձեռնվել է քրեական վարույթ։ Ոստիկանությունն ու քննչական բաժինը պարզում են BMW-ի, ավտոբուսի վարորդների, մոպեդավարի, մահացածների եւ վիրավորի ինքնությունը:

Ինչպես հայտնում է կայքը` դեպքի վայրում հավաքվածներն են ասել, որ վրաերթի ենթարկվածները եղել են մոպեդի վրա։ Նրանք հայտնել են, որ մահացածներից մեկը կին է, մեկը՝ երեխա, վիրավորն էլ տղամարդ է։

 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել