Այսօր՝ մարտի 24-ին,  ավտովթար է տեղի ունեցել Կոտայքի մարզում։ Երևան-Սևան ավտոճանապարհի Աբովյանի վարչական տարածքում բախվել են 30-ամյա Սերժիկ Լ.-ի վարած «Opel Zafira» և 61-ամյա Գրիշա Հ.-ի վարած «Opel Astra» մակնիշի ավտոմեքենաները։

Shamshyan.com-ի տեղեկություններով, բախման հետևանքով «Opel Astra»-ն կողաշրջվել է և մասամբ հայտնվել բաժանարար գոտում։

Դեպքի վայր են ժամանել «Աբովյան» բժշկական կենտրոնի շտապօգնության բժիշկների հերթապահ խումբը, ովքեր անհրաժեշտ բուժօգնություն են ցուցաբերել վարորդներին, սակայն վերջինները հրաժարվել են հիվանդանոց տեղափոխվել՝ ասելով, որ իրենք չեն տուժել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել