SHAMSHYAN.com-ի տեղեկություններով՝ հոկտեմբերի 31-ին արտակարգ դեպք է տեղի ունեցել Երևանում։ Ժամը 18։15-ի սահմաններում ՀՀ Ներքին գործերի նախարարության ոստիկանության քրեական ոստիկանության գլխավոր վարչության Երևան քաղաքի վարչությունում օպերատիվ տեղեկություն է ստացվել, որ «որովայնի առաջնային պատի ձախ անոթափոսի, աջ բազկի կտրած-ծակած վերքեր» ախտորոշմամբ «Երևան» բժշկական կենտրոն բուժօգնության է դիմել մի տղամարդ։

Ինչպես հայտնում է ֆոտոլրագրող Գագիկ Շամշյանը, հիվանդանոց մեկնած քրեական ոստիկանները պարզել են, որ օպերատիվ տեղեկությունը հավաստի է, իսկ տուժածը հանդիսանում է Երևանի բնակիչ 32-ամյա Գուրգեն Ե․-ն։

Քրեական ոստիկանները պարզել են նաև, որ դեպքի վայր է հանդիսանում Դավիթ Հովհաննեսի փողոցի թիվ 12 հասցեն և ձեռնարկվում են միջոցառումներ՝ հանցագործություն կատարած անձին հայտնաբերելու և դեպքի հանգամանքները պարզելու ուղղությամբ։

Դեպքի փաստով կազմվել են փաստաթղթեր, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Արաբկիրի քննչական բաժին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել