Արման Ծառուկյանը Տոպուրիային առաջարկել է լքել MMA-ն

ArmSport.am-ը գրում է․

UFC-ի մարտիկ Արման Ծառուկյանը կրկին անդրադարձել է Իլիա Տոպուրիային՝ առաջարկելով իսպանացի-վրացի մարտիկին լքել MMA-ն։ 

Հիշեցնենք, որ Իլիա Տոպուրիան UFC-ի թեթև քաշային կարգի գործող չեմպիոնն է։ UFC 317 մրցաշարի տիտղոսային մենամարտում նա առաջին ռաունդում նոկաուտով հաղթել է բրազիլացի Չարլզ Օլիվեյրային։

«Նա հիմա խոսում է բռնցքամարտի մասին, պատրաստվում է Ալվարեսին և Քրոուֆորդին մեկ հարվածով նոկաուտի ենթարկել։ Թող զբաղվի բռնցքամարտով և հանգիստ թողնի MMA-ն, մենք մերն արդեն կվերցնենք»,-Ծառուկյանի խոսքերը մեջբերում է «Матч ТВ»-ն։

Արման Ծառուկյանն MMA-ում ունի 22 հաղթանակ և 3 պարտություն։ Իսկ Իլիա Տոպուրիան մնում է անպարտ՝ 17-0 ցուցանիշով։