Այսօր՝ օգոստոսի 22-ին, ՀՀ Ներքին գործերի նախարարության ոստիկանության պարեկային ծառայության Երևան քաղաքի գնդի 1-ին գումարտակի պարեկները գումարտակի հրամանատար Գոռ Առաքելյանի գլխավորությամբ Երևանում  իրականացրել են օպերացիա, որը կրել է «Թու-թու-թու լավան թթու լավաշ չի ուտի» անունը։

Ինչպես հայտնում է ֆոտոլրագրող Գագիկ Շամշյանը, ՊԾ Երևանի գնդի 1-ին գումարտակի պարեկները  Բագրատունյաց պողոտայից ՊԾ Երևան քաղաքի գնդի հատուկ պահպանվող տարածք են տեղափոխել հանրությանը հայտնի բլոգեր, Էրիկ Շահբազյանին պատկանող «BMW X5» մակնիշի ավտոմեքենան, ովա ավելի շատ հայտնի է «Թու-թու-թու լավա» մականվամբ։ Թե ինչի համար է ավտոմեքենան տեղափոխվել հատուկ պահպանվող տարածք, դեռևս հայտնի չէ։

Լուսանկարները՝ Սմբատ Պետրոսյանի

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել