Tert.am-ը գրում է․


Աթենքում ընթացող հունահռոմեական ըմբշամարտի մինչև 17 տարեկանների աշխարհի առաջնությունում Հայաստանը նվաճեց ոսկե մեդալ։ 65 կգ քաշային կարգում աշխարհի չեմպիոն հռչակվեց Ջանես Նազարյանը՝ ցուցադրելով հիանալի գոտեմարտեր։

Եզրափակիչում Նազարյանը դրամատիկ պայքարում 5:4 հաշվով հաղթանակ տարավ Վրաստանի ներկայացուցիչ Էրեկլե Տավբերիձեի նկատմամբ։

Մարզիկի ճանապարհը դեպի տիտղոս սկսվեց որակավորման փուլից, որտեղ Նազարյանն առավելության հասավ ԱՄՆ-ի ներկայացուցիչ Արսենի Կիկինովի (4:1), ապա՝ Ադրբեջանի Հուսեյն Իսկանդարովի (9:1) և Եվրոպայի բրոնզե մեդալակիր Ֆրանսիայի Կիլիան Էդուինի (6:0) նկատմամբ։

Կիսաեզրափակչում հայ մարզիկը վստահ հաղթանակ տարավ ուկրաինացի Եգոր Տարասենկոյի նկատմամբ՝ 3:1 հաշվով։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել