News.am-ը գրում է․
ԱՄՆ նախագահ Դոնալդ Թրամփի վարչակազմի օրոք ԱՄՆ օտարերկրյա զբոսաշրջիկների թիվը զգալիորեն նվազել է՝ նախորդ ամիս կրճատվելով գրեթե 12%-ով՝ նախորդ տարվա համեմատ, հայտնում է Washington Post-ը։ Իրավիճակը Գերմանիայում հատկապես դրամատիկ է՝ մարտին գերմանացի զբոսաշրջիկների թիվը նվազել է 28%-ով։
Սա զբոսաշրջային հոսքի առաջին զգալի կրճատումն է COVID-19 համաճարակից հետո, գրում է Bild-ը։ Փորձագետները զգուշացնում են, որ եթե միտումը շարունակվի, ԱՄՆ զբոսաշրջության ոլորտը կարող է միլիարդավոր դոլարների վնասներ կրել։ Մարտին Արեւմտյան Եվրոպայից զբոսաշրջիկների թիվը նվազել է 17%-ով, Կենտրոնական Ամերիկայից՝ 24%-ով, իսկ Չինաստանից՝ 11%-ով։
Անկումը պայմանավորված է սահմանին առկա խնդիրների հետ կապված մտահոգություններով։ Մի քանի օտարերկրյա զբոսաշրջիկների արդեն բերման են ենթարկել երկիր մուտք գործելիս՝ չնայած բոլոր անհրաժեշտ փաստաթղթերին։ Նրանցից ոմանք օրեր կամ նույնիսկ շաբաթներ են անցկացրել տեղահանության հաստատություններում։