Այսօր՝ ապրիլի 15-ին, ՀՀ Ներքին գործերի նախարարության Ոստիկանության Երևան քաղաքի վարչության քրեական հետախուզության բաժնի 2-րդ բաժանմունքի ծառայողները օպերատիվ տեղեկություններ են ստացել այս տարվա մարտի 27-ից ոստիկանության Արաբկիրի բաժնի կողմից ավազակային հարձակում կատարելու կասկածանքով հետախուզվողի գտնվելու վայրի մասին։
Shamshyan.com-ի տեղեկություններով, ոստիկանները մեկնում են Կոմիտասի պողոտայի Վահագն Դավթյանի անվան այգի, որտեղ հայտնաբերում ու ձերբակալում են հետախուզվող 25-ամյա Հովհաննես Հակոբյանին։
Վերջինս տեղափոխվում է ոստիկանության Արաբկիրի բաժին, որտեղից էլ նրան ներկայացնում են ՀՀ քննչական կոմիտեի Երևան քաղաքի քննչական վարչության Արաբկիրի քննչական բաժին։
Նա հետախուզվում էր մարտի 21-ին օտարերկրացու նկատմամբ զինված ավազակային հարձակում կատարելու կասկածանքով։
Ֆոտոլրագրողի տեղեկություններով՝ գլխի հատվածում վնասվածք ստացած վիրավորը ԱՄՆ քաղաքացի է: Աղբյուրի տեղեկություններով՝ քաղաքացուց հափշտակել էր գումար, որի չափը ոստիկաններն ու քննիչները պարզում էին։
