Պաղեստինամետ ցուցարարները Քեմբրիջի Թրինիտի քոլեջում ոչնչացրել են պատմական կտավը՝ լորդ Բալֆուրի պատկերով, տեղեկացրել է The Standard-ը։
Palestine Action-ը ներկայացրել է կադրեր, որտեղ ակտիվիստը կարմիր ներկ է լցրել կտավի վրա եւ պատառոտում է այն։
Պահպանողական քաղաքական գործիչ Բալֆուրը իր անունն է տվել Բալֆուրի հռչակագրին՝ Բրիտանիայի կառավարության հրապարակային հայտարարությանը Պաղեստինում հրեական հայրենիքի ստեղծման մասին, ինչը հանգեցրել է Իսրայելի հիմնադրմանը 1948թ.։
Հռչակագիրը, որն ընդունվել է 1917թ., լորդ Ռոտշիլդին՝ բրիտանական հրեաների առաջնորդներից մեկին ուղղված նամակում էր։
Հռչակագրի երկարատեւ հետեւանքներից մեկը դարձավ սիոնիզմի աջակցության ուժեղացումը հրեական համայնքում, եւ նա դարձավ ենթամանդատային Պաղեստինի հիմնադրման մասը։
Ակտիվիստների հայտարարությունում ասվում է հետեւյալը. «Palestine Action-ը ոչնչացրել է Ֆիլիպ Ալեքսիուս դե Լասլոյի 1914թ. ստեղծած կտավը Քեմբրիջի համալսարանի Թրինիտի քոլեջում, որը պատկերում է լորդ Արթուր Ջեյմս Բալֆուրին՝ գաղութարար, որն ստորագրել է Բալֆուրի հռչակագիրը»։
Քեմբրիջիրի կոնստեբլի գրասենյակը կատարվածի վերաբերյալ հանդես է եկել հայտարարությամբ։
«Այսօր (մարտի 8-ին) մենք օնլայն տեղեկություն ենք ստացել Թրինիտի քոլեջի պատկերի հանցավոր վնասման մասին։
Սպաները մեկնել են պատահարի վայր, որպեսզի հանցանշաններ հավաքեն եւ շարունակեն հետաքննությունը։
Ներկա պահին ոչ մի ձերբակալություն չի կատարվել»,- նշվել է կոնստեբլի գրասենյակի հաղորդագրությունում։
