«Պսիխ» մականվամբ հայտնի ՔՊ-ական Թորոսյան Արսենը, որ այդպես էլ շոուլի չի գալիս Առողջապահության նախարարության շենքը լքելուց հետո, ընտանեկան թեմաների վերաբերյալ իր ելույթում կոչ է արել կասկածի տակ դնել ազգային ավանդույթները՝ հայտարարելով, որ վիճարկում է այն թեզը, թե դրանք լավն են: Նա այս մասին խոսել է վաղ ամուսնություների հարցի կոնտեքստում՝ շոշափելով, սակայն, զգայուն հարցերի բավական լայն սպեկտր:
Առաջին անգամ չէ, որ «Պսիխը» կասկածի տակ է դնում ավանդույթները կամ բոյկոտում ազգային արժեքները՝ ստեղծելով տպավորություն, թե Նիկոլի թիմի ներսում սրան հատկացված դերը արևմտյան տրանսհումանիստներին հաճոյանալն է, նրանց մոտ հույսեր արթնացնելը, թե ՔՊ-ն հենց այն ուժն է, որ պատրաստ է Հայաստանը «հոլանդացնելու» ծրագրի տակ մտնել, եթե հաջողվի Հայաստանը Ռուսաստանից պոկել:
ՔՊ-ում ֆաունան իսկապես բազմազան է. մեկը թուրքերի շահերի բացահայտ լոբբինգով է զբաղվում, մյուսը՝ գեյերի, երրորդն էլ հայկական ավանդույթների տակն է փորում՝ իմաստավորելու յուր անարժան գոյությունը:
Միայն «Պսիխի» ներկայությունը ԱԺ դահլիճում բավարար է՝ պատկերացում կազմելու, թե որքան ցածր է ընկել Հայաստանը:
