Hraparak.am-ը գրում է.


Երեկ պաշտոնանկ եղած Էկոնոմիկայի նախարար Վահան Քերոբյանն այս պահին քննչական կոմիտեում է։ «Հրապարակ»-ի տեղեկություններով, Քերոբյանը հարցաքննության է կանչվել «Սիներջի» ընկերությանը վերաբերող քրեական վարույթով, եւ մեծ է հավանականությունը, որ հարցաքննությունից հետո կկալանավորվի։

Ժամեր առաջ էլ էկոնոմիկայի նախարարությունում են խուզարկություն իրականացրել` արդեն պաշտոնաթող նախարարի առանձնասենյակում: Թեեւ ակնհայտ է, որ առանձնասենյակում ապացույցներ չէին կարող հայտնաբերվել: Իսկ գործն ինքնին խիստ կասկածելի է, որովհետեւ պետությունն արդյունքում որեւէ դրամի վնաս չի կրել:

Հունվարի վերջին պաշտոնական դիրքի չարաշահումների երկու քրեական վարույթով  ձերբակալվեց 7 անձ, 3-ը՝ «Սիներջի» ընկերությունից, 4-ը՝ Էկոնոմիկայի նախարարությանից։

Ըստ վարույթն իրականացնող մարմնի՝ «ՀՀ էկոնոմիկայի նախարարության պաշտոնատար անձինք, նախնական համաձայնությամբ, մի խումբ անձանց դրդմամբ եւ օժանդակությամբ, չարաշահել են իրենց ծառայողական լիազորությունները»։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել