Ռուսաստանը Հայաստանին կոչ է անում հրապարակային հարձակումների եւ քննադատության փոխարեն սկսել ՀԱՊԿ-ում գործերի վիճակի քննարկումը, «ՌԻԱ Նովոստի»-ի հարցազրույցում ասել է ՌԴ արտաքին գործերի փոխնախարար Ալեքսանդր Պանկինը։
«Մենք բոլորս շահագրգռված ենք ՀԱՊԿ գործունեության հետագա կատարելագործմամբ եւ նրա արդյունավետությամբ՝ որպես ռազմաքաղաքական դաշինքի։ Անշուշտ, դրան կնպաստեր Հայաստանի շտապ վերադարձը նորմալ եւ լիարժեք աշխատանքին կազմակերպության շրջանակում։ Ցավոք, մեր հայ դաշնակիցները առայժմ իսկապես հեռացել են նրանից»,- ասել է դիվանագետը։
«Կոչ ենք անում Երեւանի գործընկերներին հրապարակային հուզական հարձակումների եւ կազմակերպության քննադատության փոխարեն սկսել հասունացած հարցերի քննարկումը քաղաքական եւ փորձագիտական մակարդակներում»,- ընդգծել է Պանկինը։
Մոսկվան ելնում է այն բանից, որ Հայաստանի հետ փոխադարձ հարգալից երկխոսության շարունակումը ՀԱՊԿ շրջանակում համապատասխանում է Երեւանի շահերին անվտանգության ոլորտում, ծառայում խաղաղության եւ կայունության աջակցմանը եվրասիական տարածքում, ներառյալ Հարավային Կովկասի տարածաշրջանում, նշել է նա։
