24news.am-ը գրում է․
Երեկ՝ փետրվարի 6-ին, դեռևս չպարզված հանգամանքներում բռնկված հրդեհի հետևանքով մահացած պահեստազորային Արթուր Գրիգորյանը Սյունիքի մարզի Սիսիան համայնքից էր։ Այս մասին 24News-ին փոխանցեց Սիսիանի համայնքապետի օգնական Արմինե Հարությունյանը։
Նրա խոսքով, Արթուր Գրիգորյանը պահեստազորի զինծառայող էր, 39 տարեկան․ «Գրիգորյանը ուներ տարեց ծնողներ, մեկ եղբայր։ Ամուսնացած չէր, շինարարությամբ էր զբաղվում, ռազմական կրթություն չուներ»։
Ավելի վաղ պաշտպանության նախարարությունը հաղորդել էր, որ երեկ՝ փետրվարի 6-ին՝ ժամը 13:20-ի սահմաններում, ՊՆ N զորամասի պահպանության տեղամասի մարտական դիրքի կացարանին կից տեղադրված տնակում դեռևս չպարզված հանգամանքներում բռնկված հրդեհի հետևանքով մահացել է պահեստազորային Արթուր Գրիգորյանը։
Նյութի աղբյուր՝ https://www.24news.am/news/326129
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել