Միացյալ Նահանգներն այժմ ավելի քան երբևէ մոտ է իր պատմության մեջ Երրորդ համաշխարհային պատերազմին այն պատճառով, որ երկիրը ներկայացված է ոչ կոմպետենտ մարդկանցով: Այս մասին չորեքշաբթի հայտարարել է ԱՄՆ նախկին նախագահ Դոնալդ Թրամփը՝ ելույթ ունենալով Ֆլորիդայում։
«Մենք մոտ ենք նրան, որ երկիր չենք ունենա։ Մենք նաև մոտ ենք երրորդ համաշխարհային պատերազմին։ Ես երբեք չէի կարող պատկերացնել կամ մտածել այս մասին, բայց մենք շատ մոտ ենք»,- ասել է հանրապետականը։
Խոսելով ԱՄՆ ներկայիս առաջնորդ Ջո Բայդենի մասին՝ Թրամփն ընդգծել է. «Նա չի կարողանում նույնիսկ բեմից իջնել, չի կարողանում երկու նախադասություն ասել և ղեկավարում է միջուկային զենքի շուրջ մեր բանակցությունները»։ «Մենք երբեք այսքան մոտ չենք եղել Երրորդ համաշխարհային պատերազմին։ Ես հույս ունեմ, որ սխալվում եմ: Սա կանխատեսում չէ, քանի որ ես երբեք նման կանխատեսում չէի անի։ Սարսափելի է ասել, բայց մենք երբեք այսքան մոտ չենք եղել երրորդ համաշխարհային պատերազմին։ Իսկ պատճառը մեկն է՝ մեր փոխարեն խոսում են ապաշնորհ մարդիկ»,-ասել է նա:
«Գլխավոր խնդիրը Ամերիկայի անվտանգությունն ապահովելն է»,- կարծում է հանրապետականը։ «Չորս տարի Թրամփի վարչակազմի օրոք ես Ամերիկան անվտանգ էի պահում։ Ես ապահովել եմ Իսրայելի անվտանգությունը, ես ապահովել եմ Ուկրաինայի անվտանգությունը, ես աշխարհը ապահով պահեցի: Ոչ Իսրայելը, ոչ Ուկրաինան տեղի չեն ունենա Թրամփի վարչակազմի օրոք: Ոչ մի շանս չէր լինի, որ դա կարող է տեղի ունենալ»:
Թրամփի խոսքով՝ Բայդենի օրոք «Միացյալ Նահանգները վերածվել է աշխարհի աղբավայրի», քանի որ, ինչպես ինքն է կարծում, երկրում «բանտարկյալները ազատվում են բանտերից»։
ԱՄՆ հաջորդ նախագահական ընտրությունները տեղի կունենան 2024 թվականի նոյեմբերին։ Ապրիլի 25-ին Բայդենը հայտարարել է, որ կձգտի վերընտրվել բարձրագույն պաշտոնում։ Թրամփն իր ընտրարշավին մասնակցելու մասին հայտարարել է 2022 թվականի նոյեմբերին։
