Hraparak.am-ը գրում է․
Վլադիմիր Զելենսկին իր գրասենյակին հանձնարարել է սկսել 2024 թվականին Ուկրաինայում կայանալիք նախագահական ընտրությունների նախապատրաստական աշխատանքները։ Այս մասին հայտարարել է Գերագույն Ռադայի պատգամավոր Ալեքսեյ Գոնչարենկոն։
«Իմ տեղեկություններով՝ Վլադիմիր Զելենսկին որոշել է նախագահական ընտրություններ անցկացնել հաջորդ տարի։ Նա իր գրասենյակին հանձնարարել է նախապատրաստվել ընտրություններին, որոնք նախատեսվում է անցկացնել 2024 թվականի մարտի 31-ին»,- ասել է պատգամավորը Espresso հեռուստաալիքի եթերում։
Ուկրաինայի ղեկավարի գրասենյակի ներկայացուցիչները դեռ չեն մեկնաբանել այս տեղեկությունը։
Ավելի վաղ ռուսական մամուլը գրում էր, որ Զելենսկին միտումնավոր ձգձգում է պատերազմն ու հրաժարվում Ռուսաստանի հետ բանակցություններից իր իշխանությունը երկարաձգելու համար։
