Hraparak.am-ը գրում է.
Սպիտակ տան ազգային անվտանգության հարցերով խորհրդական Ջեյք Սալիվանը կիրակի օրը հաստատել է, որ Վաշինգտոնը «անկեղծ, ուղիղ» բանակցություններ է վարում Իսրայելի հետ՝ հոկտեմբերի 7-ին Իսրայելի վրա «Համասի» հարձակումից հետո Իսրայելի կողմից Գազայի ռմբակոծման վերաբերյալ աճող դժգոհությունների ֆոնին:
«Մենք չենք ընդունում անմեղ մարդկանց սպանությունը՝ լինեն պաղեստինցիներ, իսրայելցիներ, թե այլոք», - ընդգծել է Սալիվանը:
Հիշեցնենք, որ Իսրայելի վարչապետ Բենիամին Նեթանյահուն հայտարարեց ռազմական գործողությունների երկրորդ փուլի մեկնարկի մասին, որը բնութագրվում է Գազայում ընդլայնված ցամաքային գործողություններով և «Համասի» թիրախներին օդային զանգվածային հարվածներով։
CBS-ին տված հարցազրույցում Սալիվանն ասել է, որ ԱՄՆ և Իսրայելը քննարկում են բարդ հարցեր՝ հումանիտար օգնություն, ահաբեկիչներին անմեղ քաղաքացիներին տարբերելու անհրաժեշտություն և ինչպես է Իսրայելը պլանավորում իր ռազմական գործողությունը:
«Մենք խոսում ենք անկեղծ, ուղիղ, կիսում ենք մեր տեսակետները՝ չթաքցնելով դրանք, և կշարունակենք դա անել», - ասել է Սալիվանը: «Մենք հրապարակայնորեն հայտարարում ենք, որ Միացյալ Նահանգները պատրաստ է հստակ ներկայացնել իր առաջարկներն ու սկզբունքները, ներառյալ անմեղ մարդկային կյանքի բացարձակ արժեք հանդիսանալու փաստը»: Իսկ հետո մենք կշարունակենք մասնավոր խորհուրդներ տալ Իսրայելին»։
«Համասի» զինյալների դեմ գործողությունների արդյունքում սպանվել է 8005 պաղեստինցի, այդ թվում՝ 3324 անչափահասներ, հաղորդում են Գազայի հատվածի բժշկական պաշտոնյաները:
Հիշեցնենք, որ ԱՄՆ-ն ճանաչել է «Համասը» որպես ահաբեկչական կառույց:
