Մարդիկ, ովքեր դա կազմակերպում են, մարդիկ են, ովքեր ատելություն են դրսեւորում Արցախի ժողովրդի նկատմամբ։ Սրանք մարդիկ են, ովքեր նախընտրում են սոված երեխաներ տեսնել: Այս մասին Alpha News-ին տված հարցազրույցում ասել է ՌԴ Պետդումայի պատգամավոր Վիտալի Միլոնովը։
«Եվ այդ մարդիկ հումանիտար ավտոշարասյունները բաց չեն թողնում։ Որոշ ժամանակ առաջ կոմունիստները նրանց նվիրեցին այդ տարածքը։ Բոլշեւիկները տվեցին: Հավերժ նրանք ինչ-որ մեկին ինչ-որ բան են տվել: Բայց եթե նրանք ասում են, որ դա իրենց տարածքն է, ինչո՞ւ են այդքան ծաղրում այդ տարածքում ապրող ժողովրդին»,-նշել է ռուս պատգամավորը։
Նրա խոսքով՝ ոչ մի մարդ, ոչ մի կառավարիչ կյանքում երբեք թույլ չի տա մարդասիրական աղետ այն տարածքում, որը նա համարում է իրենը։
Նա հավելել է, որ այստեղ ընտրական սկզբունք է տեսնում, եւ որ Արցախի ժողովրդի դեմ ինչ-որ նոր ցեղասպանություն են կազմակերպում։
