![](/static/news/b/2022/02/783787.jpg)
Մեր քաղաքացիները Հայաստանում անցկացված հարցման ժամանակ նշել են, որ պետական մարմինների թվում ամենաշատը գոհ են ՀՀ մարդու իրավունքների պաշտպանի գործունեությունից:
Խոսքը Միջազգային հանրապետական ինստիտուտի (International Republican Institute - IRI) Հայաստանում հարցման տվյալների մասին է։
Մասնավորապես, 2021թ. նոյեմբերի 22-ից դեկտեմբերի 5-ն անցկացված և 2022թ. հունվարի 31-ին հրապարակված հարցման արդյունքներով՝ ՀՀ մարդու իրավունքների պաշտպանի գործունեությունից գոհ է հարցմանը մասնակցած քաղաքացիների 68%-ը, մասնավորապես՝ շատ գոհ է 35%-ը, որոշ չափով գոհ՝ 33%-ը:
Միջազգային հանրապետական ինստիտուտը անցկացրել է նաև Հայաստանի բնակիչների կարծիքի ուսումնասիրություն այն մասին, թե ո՞ր հաստատություններին են առավել վստահելի համարում արտաքին քաղաքականության վերաբերյալ տեղեկատվություն ստանալու համար, եթե այդպիսիք կան:
Քաղաքացիներն այս հարցում ևս ամենաշատը (առավելագույն 30%ից 25%-ը) վստահում են Հայաստանի մարդու իրավունքների պաշտպանին:
Անձամբ իմ ու մեր ողջ աշխատակազմի անունից անկեղծ երախտագիտություն եմ հայտնում նման բարձր վստահության համար:
Դա անփոխարինելի պատվաբեր է և պարտավորեցնող:
Արման Թաթոյան
Հայաստանի մարդու իրավունքների պաշտպան
![May be an image of text](https://scontent.fevn12-1.fna.fbcdn.net/v/t39.30808-6/272947301_1012428252689713_3698319035683166099_n.jpg?_nc_cat=111&ccb=1-5&_nc_sid=8bfeb9&_nc_ohc=xXXstBbRUPoAX9V_4Ae&_nc_ht=scontent.fevn12-1.fna&oh=00_AT9YbKLJ56wJ6j5BWkir8kk5ixzfb9dKATJ51x7a1YCWaw&oe=62024197)
Նյութի աղբյուր՝ https://www.facebook.com/permalink.php?story_fbid=1012428539356351&id=100017676420633
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել