Armeniasputnik.am-ը գրում է.
ՀՀ պաշտպանության Արշակ Կարապետյանը վստահ է, որ պետությունն ու ժողովուրդը կկարողանան դուրս գալ պատերազմից հետո ստեղծված իրավիճակից։ Կարապետյանն այս մասին ասաց նախագահականում լրագրողների հետ զրույցում։
Նշենք, որ Անկախության 30-ամյակի կապակցությամբ ՀՀ նախագահ Արմեն Սարգսյանի նստավայրում պարգևատրման արարողություն է։

«Մենք կունանանք այն երազած հայրենիքը, որի համար պայքարել ենք, սակայն դեռ շատ անելիքներ ունենք։ Մենք պետք է հաղթահարենք դժվարությունները և առաջ գնանք աշխատանքով»,–ասաց Կարապետյանը։

Լրագրողները հետաքրքրվեցին, թե նախարարն ինչ նախադրյալներ է տեսնում երազած հայրենիք կառուցելու, երբ քաղաքացիները Սյունիք գնալու համար անվտանգության խնդիրներից ելնելով` ստիպված են մտորել։ Ի պատասխան Կարապետյանը նշեց, որ մտորելու խնդիր չի տեսնում Սյունիք գնալու հետ կապված։
«Ես էլ եմ անցել Գորիս-Կապան ճանապարհով, նորմալ էր։ Եթե գնացել-եկել եմ, ուրեմն նորմալ էր»,–ասաց Կարապետյանը։
Նախարարը հերքեց շրջանառվող լուրերն այն մասին, որ Սյունիքին կապող այլընտրանքային ճանապարհ կառուցելով`պետք է հրաժարվեն գործող ճանապարհից։ Նա վստահեցրեց, որ նման խնդիր չկա։
Կարապետյանը հրաժարվեց պատասխանել անվտանգությանն առնչվող այլ հարցերին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել