Aysor.am-ը գրում է․

Մենք համարում ենք, որ դա ճիշտ քաղաքականություն է․ եթե անձը հրաժարվում է պատվաստվելուց, ուրեմն անընդհատ պետք է ՊՇՌ թեստ հանձնի, որպեսզի հավաստի լինի նրա՝ վարակված չլինելու փաստը, և մարդը աշխատանքի հաճախելիս չվարակի իր կոլեգաներին, չվարակի տրանսպորտում այլ անձանց, խանութում իր շուրջ գտնվող քաղաքացիներին, «Հանրային հեռուստաընկերության» եթերում ասել է Առողջապահության նախարար Անահիտ Ավանեսյանը։

«Մենք արդեն իսկ մշակել ենք որոշակի փոփոխությունների փաթեթ, որն առաջիկայում կընդունվի, և հոկտեմբերի 1-ից դիտարկում ենք պատվաստված չլինելու պարագայում ժամանակ առ ժամանակ ՊՇՌ թեստ հանձնելու պարտականությունը, որովհետև սա միայն կոնկրետ անձի առողջությանը չի վերաբերում», - հավելել է նա։

Նշված փոփոխությունները, ինչպես նշել է Ավանեսյանը, վերաբերելու են բոլոր տեսակի տնտեսական գործունեությամբ զբաղվող ընկերությունների, այդ թվում՝ հանրային սննդի օբյեկտների աշխատակիցներին, ինչպես նաև ուսումնական հաստատություններին, պետական կառավարման մարմիններին։

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել