Panorama.am-ը գրում է.
Կառավարության այսօրվա նիստում Նիկոլ Փաշինյանը հայտնեց, որ կառավարությունը հաջողությամբ իրականացրել է 750 մլն դոլարի եվրոբոնդերի թողարկում:
Նա ուրախությամբ նշեց, որ թողարկումը տեղի է ունեցել հանրապետության պատմության ամենանպաստավոր պայմաններով՝ ամենացածր տոկոսով:
Փաշինյանի ներկայացմամբ՝ դրանով մակրոտնտեսական կայունության երաշխիք է ձևավորվել:
Նա նման մեծ ծավալի պարտքի բեռի ավելացումը գնահատեց որպես հետպատերազմյան տնտեսական շոկի հաղթահարման առաջին լրջագույն ազդակ.«Կարող ենք արձանագրել, որ տնտեսական տարին սկսել ենք շատ ուժեղ դրական ազդակով և հույս ունենք, որ այս դրական ազդակն իր հետ կառաջացնի շղթայական ռեակցիա: Արձանագրեմ, որ թողարկման տոկոսը 3.8 է, որը նույնպես շատ հաջող է գնահատվում»:
Փաշինյանը խոսքը փոխանցեց Ֆինանսների նախարար Ատոմ Ջանջուղազյանին, որը փորձեց տնտեսական տերմիններով գերհագեցած խոսքում համոզել, որ վատ չէ, երբ պետության պարտքը մեծանում է:
«Առաջին հայացքից պետական պարտքի բացարձակ թվով աճն ընկալվում է բացասական երևույթ, բայց պետք է հաշվի առնել, որ պետական պարտքի վարքագիծը հետևանք է հարկաբյուջետային քաղաքականության և պետական բյուջեի»,-հայտարարեց նախարարը:
Ամբողջական հոդվածը կարող եք կարդալ այստեղ:
