Նիկոլ Փաշինյանն այսօր հերթական ելույթն ունեցավ Ազգային Ժողովում և հերթական կոպիտ քաղաքական սխալը թույլ տվեց: Նա՝ արդեն ավանդական դարձած թեմաներով հերթական միտինգն արեց:
Բոլոր ասպարեզներում ձախողած կառավարության աշխատանքների մասին խոսելու փոխարեն՝ նա հերթական անգամ փորձեց իր մեղքը բարդել այլոց վրա: Այս անգամ, սակայն, ոչ միայն անցյալից խոսեց` իր ճաշակով ներկայացնելով այն, այլ փորձեց իր քմահաճույքով ձևավորել ապագան` ձեռքի հետ որոշելով, թե ով է ապագայում լինելու Հայաստանի քաղաքական դաշտում:
Մի բան, բայց ճիշտ ասեց. ապագայում չեն լինելու նրանք, ովքեր դավաճանեցին երկու տարի առաջ փողոց դուրս եկած մարդկանց պահանջներին, ովքեր մարդկանց հույսերի վրա եկան իշխանության ու հուսախաբ արեցին այդ մարդկանց, ովքեր այսօր երկիրն ու ժողովրդին թողել են միայնակ համավարակի դեմ ու զբաղված են սահմանադրական կարգը տապալելով իրենց իշխանության պահապանմամբ:
Մոռացի՛ր, որ դու կորոշես, թե Հայաստանում որ ուժերը կլինեն իշխանություն կամ ընդդիմություն՝ դա ՀՀ քաղաքացու անքակտելի իրավունքն է։
Վստահ եմ, որ վաղվա Հայաստանում չի լինելու հենց ինքը` Նիկոլ Փաշինյանը, որովհետև հե՛նց նա է հեռացել ժողովրդային շարժման պահանջներից: Հայաստանում պետք ձևավավորվի նոր որակի իշխանություն, որն այդ պահանջները իրականություն կդարձնի։
Դաշնակցությունը վճռական քայլում է դեպի ապագա, իսկ Նիկոլ Փաշինյանը և իր թիմը այլևս անցյալ են:
