Operativ.am-ը գրում է.

ՌԴ կառավարությունը թույլ է տվել COVID-19-ի բուժման համար հիդրոքսիքլորոխին չգրանցված դեղամիջոցն օգտագործել։ Կարգադրությունը ստորագրել է վարչապետ Միխայիլ Միշուստինը, հայտնում է «ՌԻԱ Նովոստի»-ն։

Մասնավորապես, Սրտաբանության ազգային բժշկական հետազոտական կենտրոնին հանձնարարվել է կիրառել, պահպանել եւ բաշխել այդ դեղամիջոցը բժշկական կազմակերպություններին։

Նշվում է, որ 68 600 տուփ հիդրոքսիքլորոխին Ռուսաստանին անհատույց Չինաստանն է տվել։

Վերջին տվյալներով՝ Ռուսաստանում հայտնաբերվել է կորոնավիրուսով վարակման 28 000 դեպք, ավելի քան 2300 պացիենտներ ապաքինվել են, 232-ը՝ մահացել։

Իշխանությունները ռուսաստանցիներին կոչ են արել պահպանել նախազգուշական բոլոր միջոցառումները, առանց լուրջ անհրաժեշտության տնից դուրս չգալ, հասարակական վայրերում դիստանցիա պահպանել եւ դիմակներ կրել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել