Yerkir.am-ը գրում է.

Գրպանահատությունը կարելի է դիտարկել որպես պրոֆեսիոնալ հանցավորության դասական օրինակ. Լրագրողների հետ զրույցում այսօր այս մասին ասաց ՀՀ Ոստիկանության շտաբի տեսչական վարչության պետ և հետաքննության բաժնի պետ Հակոբ Պետրոսյանը:

Նա մասնավորապես նշեց, որ այս հանցատեսակով զբաղվողներն այն կատարում են որպես արհեստ:

Բաժնի պետի պնդմամբ` ՀՀ-ում գրպանահատության դեպքերի բացահայտման տոկոսը բարձր է,  այն կազմում է շուրջ 45 տոկոս:

«Որոշակի առումներով բարձր է գրպանահատության լատենտայնությունը, քաղաքացիների կողմից իրավապահ մարմիններին չդիմելու դեպքերի քանակը, դա ինքնին իր հերթին հնարավորություն է տալիս գրպանահատներին մնալ անպատիժ ու շարունակել զբաղվել դրանով»,- մանրամասնեց Պետրոսյանը:

Ինչ վերաբերում է գրպանահատների հիմնական աշխատավայրի մասին, ապա ոստիկանության շտաբի տեսչական վարչության պետւի հավաստիացմամբ` գրպանահատներն «աշխատում են» հիմնականում հանրային վայրերում և հասարակական տրանսպորտում:

«Կատարման վայր հիմնականում հանդիսանում են հասարարական տրանսպորտը, հասարակական վայրերը՝ օրվա ծանրաբեռնված ժամերին: Քաղաքացիների կողմից պետք է առավել ուշադրություն դարձվի իրենց գույքին, պետք է արձագանքել ու անպատասխան չթողնել նմանատիպ դեպքերը»,- եզրափակեց նա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել