Մենք բոլորս էլ ժամանակ առ ժամանակ ամուսնության ընթացքում ինչ-որ խնդիրների ենք բախվում։ Դրանում որևէ անբնական բան չկա, քանի որ ընտանիքն ամենօրյա բարդ աշխատանք է պահանջում զույգերի կողմից։
Բարեբախտաբար, բնությունը գեղեցիկ սեռի ներկայացուցիչներին հրաշալի հոտառություն և խորամանկություն է պարգևել, որոնք օգնում են հարթել ամուսնական առօրյա խնդիրները։ Իսկ թե որոնք են այն հինգ ոսկե կանոնները, որոնցով պետք է առաջնորդվի յուրաքանչյուր ամուսնացած կին, պարզենք միասին։
1. Պետք չէ սպասել, որ ամուսինը կկարդա ձեր մտքերը
Քանի տարի էլ դուք միասին ապրեք, մի կարծեք, թե ձեր ամուսինը տելեպատի է վերածվելու և սկսելու է կարդալ ձեր մտքերը։ Մի մոռացեք, որ կանանց և տղամարդկանց հոգեբանությունը խիստ տարբերվում է։
2. Չի կարելի քննարկել ամուսնուն ընկերուհիների հետ
Շատ կանայք ընկերուհիների հետ սկսում են լվանալ իրենց ամուսնու ոսկորները։ Սակայն հիշեք, որ դա չի լուծի ձեր ամուսնական խնդիրները, իսկ ընկերուհիների խորհուրդները կարող են ավելի բարդացնել իրավիճակը։
3. Մի համեմատեք ամուսնուն ձեր նախկինների կամ այլ տղամարդկանց հետ
Շատ կանայք ընտանեկան կյանքի փորձ են ունենում, բայց դա չի նշանակում, որ պետք է անընդհատ հետ նայեք և ձեր ներկայիս զուգընկերոջ մեջ փնտրեք այն գծերը, որոնք ձեզ դուր էին գալիս ձեր նախկին զուգընկերոջ մեջ։
4. Մի ստիպեք ամուսնուն ընտրություն կատարել ձեր և իր մոր միջև
Մի քննադատեք սկեսրոջը ամուսնու մոտ, ավելի լավ է նրա հետ դաշնակիցներ դարձեք կամ գոնե դիվանագիտական հարաբերություններ պահպանեք։
5. Մի կարծեք, թե միայն ամուսինը պետք է ներողություն խնդրի
Մի եղեք եսասեր և մի վախեցեք ձեր սխալն ընդունելուց։ Ոչ մի սարսափելի բան չկա ներողություն խնդրելու մեջ։ Դա ավելի օգտակար է հարաբերությունների համար, քան մշտապես ամուսնուն մեղադրելն ու նրանից ներողություն սպասելը։
