Հրդեհ Վերին Արտաշատ գյուղում. այրվել են կառուցատարրեր և խոտածածկույթ

Հուլիսի 26-ին, ժամը 14:44-ին «911» ծառայությանն ահազանգ է ստացվել, որ Արարատի մարզի Վերին Արտաշատ գյուղի Թումանյան փողոցում այրվում են խրձեր:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ հրդեհը բռնկվել է Թումանյան փողոցի տներից մեկի բակում գտնվող թոնրատան տանիքում և նրա հարակից տարածքում:

Հրդեհը մեկուսացվել է ժամը 15:06-ին, մարվել` 15:15-ին: Մասամբ այրվել են թոնրատան տանիքի փայտյա կառուցատարրերը (մոտ 10 քմ), թոնրատանը հարակից կուտակած խրձեր (20 հատ), խոտածածկույթ (մոտ 150 քմ), ջերմահարվել է 1 տանձենի և 1 խնձորենի: