Razm.info-ն գրում է.
Մայիսի 4-ին ՀՀ պաշտպանության նախարար Սեյրան Օհանյանը բարձրաստիճան մի շարք զինվորականների ուղեկցությամբ աշխատանքային այցով եղել է զինված ուժերի հակաօդային պաշտպանության ստորաբաժանումներից մեկում: Այս մասին տեղեկացնում է ՀՀ ՊՆ կայքը:
Հայկական զինուժի ՀՕՊ ստորաբաժանման վարժանքը
Շրջայցի ընթացքում նախարար Օհանյանը հանդիպել է ՀՕՊ ստորաբաժանման զինանձնակազմի հետ, ստուգել անձնակազմի մարտական պատրաստականությունը, առկա սպառազինության և զինտեխնիկայի վիճակը, դրանց կարողություններն ու չափորոշիչները:
Այցի շրջանակում Սեյրան Օհանյանը հետևել է ՀՕՊ ստորաբաժանման ներգրավմամբ անցկացված ուսումնական պարապմունքի ընթացքին, որի ավարտին զորամասի հրամկազմին տրվել են մի շարք ցուցումներ և հանձնարարականներ` հետագա աշխատանքներն առավել արդյունավետ իրականացնելու նպատակով։
![[Ձախից աջ] ՀՀ ԶՈւ ԳՇ պետի տեղակալ Ստեփան Գալստյանը, ՀՀ պաշտպանության նախարար Սեյրան Օհանյանը, ՀՀ գլխավոր ռազմական տեսուչ Միքայել Հարությունյանը հետևում են ՀՕՊ ստորաբաժանման պարապմունքին](http://razm.info/wp-content/uploads/2016/05/10436.jpg)
