Replik.am-ը գրում է.
ՏԱՍՍ լրատվական գործակալությունը հայտնում է, որ ՌԴ նախագահի մամուլի քարտուղար Դմիտրի Պեսկովը հարցազրույցի ժամանակ հայտնել է, որ Կրեմլում անհանգստացած են սիրիա-թուրքական սահմանին լարվածության աճով եւ անթույլատրելի են համարում Թուրքիայի կողմից Սիրիայի տարածքի գնդակոծությունը:
Նա նշել է. «Կրեմլում անհանգստացած են սիրիա-թուրքական սահմանին աճող լարվածությամբ», - ասել է նա` մեկնաբանելով Թուրքիայի կողմից Սիրիայի հյուսիսում քրդերի դիրքերի ուղղությամբ հարվածները:
Պեսկովը հիշեցրել է, որ այդ թեմային նախօրեին անդրադարձել են ՌԴ նախագահ Վլադիմիր Պուտինի` Ռուսաստանի Անվտանգության խորհրդի մշտական անդամների հետ օպերատիվ խորհրդակցության ընթացքում: «Ընդհանուր առմամբ Ռուսաստանն իհարկե անթույլատրելի է համարում անդրսահմանային այն գնդակոծությունները, որ իրականացնում է թուրքական կողմը եւ այդ հրետանու հարվածները սիրիական տարածքին»:
