«Ինչքան մարդ, այնքան բնավորություն», այս ճշմարտությունը մեզ համար նոր չէ: Սակայն կան օրինաչափություններ, որոնք հատուկ են շատերիս: Բացահայտել կին–տղամարդ փոխհարաբերությունների նրբերանգները և դրանց շարժիչ ազդակները օգնում է հոգեբանությունը, և այսօր ձեզ կներկայացնենք հոգեբանական մի քանի դիտարկում մեզ հետաքրքրող հարցերի շուրջ հենց այդ համատեքստում:

Օգտվում ենք Մնացական Մանուկյանի «Սիրո փիլիսոփայական, հոգեբանական մեկնաբանման հայկական գանձարան» գրքից:

Կանանց շրջանում հաջողություն են վայելում այն տղամարդիկ, ովքեր.

• փորձված են սիրո գիտությամբ,
• վարպետ են պատմություններ պատմելու,
• երաշխավորում են իրենց հուսալիությունը,
• առատաձեռն են նվերների հարցում,
• պերճախոս են,
• բարետես են,
• սիրում են խնջույքներ և հաճույքի երեկոներ,
• խիզախ են և նախաձեռնող:

Կինը տղամարդուն մերժում է հետևյալ պատճառներով.

• տղամարդու հանդեպ ունեցած չարությունից,
• դիրքերի միջև եղած տարբերությունից,
• անկախությունը չկորցնելու զգացումից,
• մտավախությունից, որ տղամարդն անկեղծ չէ,
• արդեն ստեղծված մտերմությունից,
• իր նկատմամբ նրա սերը չհասկանալուց,
• տղամարդու սառնությունից և կրքի պակասությունից։

Հեշտ նվաճվող կինը նա է, ով

• ունի իրեն չսիրող ամուսին,
• աղքատ է և նյութապես, և հոգով,
• ունի իրենից դիրքով ցածր ամուսին,
• կինը, որը ձգտում է հասարակության մեջ երևալ,
• այրի է, հատկապես երիտասարդ տարիքում,
• կինը, որ սիրում է հաճույքներ ու վայելքներ,
• հաճույք չի ստանում իր ամուսնու մոտ,
• ունի հասարակական կամ գիտական գործերով տարված ամուսին,
• փառասեր կինը։

Ուսումնասիրությունները ցույց են տվել, որ ամուսնության պահին ամուսնացածները հրապուրված են եղել.
տղաներն աղջիկների.

կանացիությամբ` 31 %,
մարդամոտությամբ` 15%
անկեղծությամբ` 13 %
բարությամբ` 12 %
տնտեսվարությամբ` 11 %
խելքով` 6 %

աղջիկները տղաների`

առնականությամբ` 44 %,
խելքով` 36%
զգայուն և ուշադիր լինելով` 16 %
բարությամբ` 15 %
մարդամոտությամբ` 14 %
անկեղծությամբ` 13 %
համեստությամբ` 12 %

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել