«Բորուսսիան» չկարողացավ հաղթել «Աուգսբուրգին» (տեսանյութ)

Allsport.am-ը գրում է.

Գերմանիայի առաջնության երկրորդ շրջանը Դորտմունդի «Բորուսսիան» սկսեց ոչ-ոքիով: 18-րդ տուրում Յուրգեն Կլոպի թիմը հյուրընկալել էր «Աուգսբուրգին»: Հանդիպման հաշիվը 6-րդ րոպեին բացեց Սվեն Բենդերը, ով 50 րոպե անց գրավեց նաև սեփական դարպասը: 66-րդ րոպեին Նուրի Շահինն առաջ մղեց դորտմունդցիներին, սակայն 6 րոպե հետո Չժի Դոն-Վոնը, դառնալով գոլի հեղինակ, ձևակերպեց հանդիպման վերջնական հաշիվը:

Այս ոչ-ոքիից հետո «Բորուսսիան» ունի 33 միավոր և Մյունխենգլադբախի «Բորուսսիայի» հետ բաժանում է մրցաշարային աղյուսակի 3-4 հորիզոնականները: «Աուգսբուրգն», ակտիվում ունենալով 25 միավոր, դեռևս 8-րդ հորիզոնականում է:

Նշենք նաև, որ Հայաստանի ազգային հավաքականի կիսապաշտպան Հենրիխ Մխիթարյանը դաշտի տերերի մեկնարկային կազմում էր, սակայն  84-րդ րոպեին խաղադաշտում տեղը զիջեց Յուլիան Շիբերին:

«Բորուսսիա»-«Աուգսբուրգ»` 2:2