Քարացավ այս վանքի լուսաղոթք պատերին 
Դարերի աղերսն է` մոմատունկ մատուցվել, 
Հուսամեռ, ճարահատ, արմատով` հայորդի. 
Հավատով եկել են, հավատով հեռացել:

Անհողդողդ, լուսավոր, ոգեղեն, անձնվեր, 
Ազգը իմ` քո խաչին զորավոր` նվիրված, 
Քո սիրուն անհաղորդ, լոկ լքյալ մնացել, 
Հավատի եզերքում, բարեգութ Աստված:

Աղոթքի մի ծայրում վեղարով, անվեղար, 
Սրտեր են բաբախում, բոցավառ, լուսաբաղձ, 
Մյուս ծայրում մի անգամ առիթ տուր իմ ազգին 
Ինքն իրեն գտնելու, վերքերից ազատված:

15.12.13

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել