Հնդկաստանի Բանգալոր քաղաքում գործող Wakefit սթարթափը, որը զբաղվում է քնի համար նախատեսված ապրանքների մշակմամբ, հայտարարել է, որ նոր աշխատակիցներ է հավաքագրում: Աշխատանքի գլխավոր պահանջը ամեն օր առնվազն ինը ժամ քնելն է, գրում է Republic World-ը:

Ակնկալվում է, որ աշխատողները 100 օր անընդմեջ քնելու են օրական ինը ժամ: Նման աշխատանքի համար աշխատակցին կվճարվի 100 հազար հնդկական ռուփի աշխատավարձ (մոտավորապես 1.3 հազար ԱՄՆ դոլար):
Բացի այդ, աշխատակիցները պարտավորվելու են վարել քնի օրագիր:

Նշվում է, որ այս աշխատանքի հավակնորդները չպետք է ակտիվ լինեն սոցիալական ցանցերում, չպետք է չարաշահեն կոֆեին պարունակող ըմպելիքները:

Նրանց հետ կաշխատեն ֆիթնեսի մարզիչները, սննդաբաններն ու հոգեբանների թիմը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել