Վաշինգտոնի կողմից Երուսաղեմն Իսրայել պետության մայրաքաղաք ճանաչման Թրամփի հայտարարության շուրջ ծավալվող մերձավորարևելյան ռազմաքաղաքական զարգացումները Թուրքիան ձգտում է օգտագործել՝ Իսրայել-Թուրքիա հակասությունների համատեքստում արաբական-մուսուլմանական ճամբարում ներկայանալու որպես տարածաշրջանային «արդար դատավոր»։ Պատահական չէ այն, որ թեև հայտարարությունը հնչել է ԱՄՆ նախագահի կողմից, հետևաբար այս ամենի կիզակետում է հայտնվում Միացյալ Նահանգները, ոչ թե Իսրայելը, սակայն Էրդողանը սլաքն ուղղում է հե՛նց դեպի Իսրայել։ 
ԱՄՆ նախագահի հայտարարությունից հետո ստեղծվել է մի նոր իրավիճակ, երբ աշխարհը դուրս է եկել Թրամփ-Իսրայել (ոչ թե ԱՄՆ-Իսրայել) «տանդեմ»-ի դեմ, խառնվել են բոլորի «խաղաքարտերը»։ Սա իր հերթին կարող է Անկարային հնարավորություն տալ  տարածաշրջանում ընդլայնելու իր ազդեցությունը։ 
Հարցն իրատեսաբար ակտուալ է դառնում այն առումով, որ Սիրիայում հակաահաբեկչական պայքարը կարծեք թե ավարտական փուլում է, ավելին՝ Մոսկվան հայտարարեց Սիրիայից իր զորքերի ու ռազմական տեխնիկայի հիմնական հատվածը դուրս բերելու մտադրության մասին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել